Folklore

[FILASTROCCHE VERONESI] Poesie di Santa Lucia

santa lussia berto barbarani

Questa sera arriva Santa Lucia in molte case veronesi, una tradizione che non ha età e che si tramanda di generazione in generazione. E quale modo migliore per raccontarla ai bambini se non quello attraverso le filastrocche e le poesie? Eccone una selezione: raccontatele ai vostri figli!

SANTA LUSSIA LE VIEN DE NOTE

Santa Lussia la vien de note
co’ le scarpe tute rote
col capèl a la romana
Santa Lussia l’è… ‘na befana!

SANTA LUSSIA (di Berto Barbarani)

santa lussia berto barbaraniI l’à fati su de note,co le asse e col martel,
co le tole, mèse rote,
piturade da cortel,
co ‘na tenda trata sora
co i lumeti trati là…

L’ è così che salta fora
i bancheti de la Brà!
Là, gh’è paste, là, gh’è fiori,
gh’è i zugatoli da un franco,
(i zugatoli da siori)
ma ghi n’è che costa manco;
ghi n’è fin che costa un besso,
e ghi n’è che de val tri…

«Con parmesso, con parmesso,
che vòi vedarli anca mi.»
Le puote bele bianche,
le se buta fora in strada;
un caval da do palanche
l’è drio a trarme una peada…

Sto tranvai co i so vagoni
par che el fassa: fu, fu, fu!
…”Bei maroni, bei maroni,
de comandelo, anca lu?
“Giovanin, l’è meso mato
par sta bela carossina;
“Mandolato! Mandolato
tuto mandole e farina”
Quanta gente! Che boresso,
drio a ‘na tromba che fa piiiii….

«Con parmesso, con parmesso,
che vòi vedarla anca mi.»
Me morosa picinina
de girar no l’è mai straca;
se la cata una vetrina,
l’è nà pégola che taca;
la roversa fin i oci,
la me sburta e, signor sì,
se badasse a i so zenoci,
cossa mai saria de mi!

Me morosa piassè granda,
la rasona e la me scolta,
mai de mi no la se sbanda,
l’è un piasèr condurla in volta….
La me dise in te una recia:
«No sta spendar, l’è pecà!»
Me morosa piassè vecia,
l’è la prima dela Brà!

You Might Also Like

Lascia un commento

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>